مجموعة من النــــ\الرائعة\ـــكت [مغربية--جزائرية...]

$مجموعة من النــــ\الرائعة\ـــكت [مغربية--جزائرية...] Get-9-2011-almlf_com_7q6d3exr$

أقدم لكم هذه المجموعة من النكت

بدون إطالة :

باسم الله

واحد الاستاذ دالفيزيك سول واحد التلميذ مكلخ ماهي الوحدة ؟ قاليه هي الطناش القديمة

--------------------------------------------------------------------------------------
واحد قال لجارو شفتك لبارح خارج من السرجم ديال الدار .. مالك ؟قال ليه .. راني مريض ومشيت عند الطبيب وقال ليا .. عندك سيمانا ما تخرجش من باب الدار

-----------------------------------------------------------------------------------------------
هادي واحد البنت عيطت لصاحبها في التليفون و قالت ليه مالين الدار مسافرين و الدار خاوية، و هو يقول ليها قراي القرآن أو متخفيش

-----------------------------------------------------------------------------------------
سولو واحد الفلاح علاش حزب الأصالة و المعاصرة اختار رمز التراكتور
جاوبهوم الفلاح: حيت كيتساك بلا بيرمي

---------------------------------------------------------------------------
هادي واحد لمدينة ديال المفروحين. واحد النهار دارو الشغب و دار ليهوم البوليس حضر التجول ف الليل. مللي طاح الضلام، خرجوا كاملين يشوفوا هاد حضر التجول

-------------------------------------------------------------------------------------
هادا واحد مكلخ، تجمعوا عليه سبعة ديال الشياطين، واحد كيوسوس ليه و ستة كيفهموه

-------------------------------------------------------------------------------
هادوا جوج فسبيطار الحماق، تفقوا يهرسوا الباب و يضربوا العساس و يهربوا. مللي هرسوا الباب، ما بانش ليهم العساس و هوما نيت يجلسوا يتسناو فيه

--------------------------------------------------------------------------------------------
هادا واحد مكلخ مشى عند مول التلفزيونات و قال ليه: عندك تلفزيونات بالألوان؟
قال ليه لاخور: كاينين
و هو يقول ليه المكلخ: واخا عطيني واحد خضر

-----------------------------------------------------------------------------------
هادا واحد مكلخ قال يا ربي ندير يدي ف جيبي و نلقى 20 درهم . منين دار يديه لقى جيبه متقوب. و هو نيت يرجع يقلب لا تكون طاحت ليه ال 20 درهم

---------------------------------------------------------------------------------------------
هادو رباعة ديال المكلخين ف الجامعة كيكتبوا داكشي اللي كيكتبه الأستاد ف السبورة. منين كيمسح الأستاد السبورة، كيقطعوا هوما الورقة

-----------------------------------------------------------------------------------
هادو رباعة ديال المكلخين صنعوا طوبيس كيمشي بالعرض باش كلهم يركبو القدام

-----------------------------------------------------------------------
هادا واحد مكلخ ما كيجيهش النعاس. قال ليه واحد صاحبو: أنا عندي ليك واحد الطريقة واعرة غادي تعاونك تنعس، بقى تحسب حتال 500 وغادي يجيك النعاس . خينا مشى ف الليل و بدا كيحسب، غير وصل ل 199 و هو يجيه النعاس، وهو نيت ينوض وغسل وجهو و رجع للناموسية يكمل الحساب .

--------------------------------------------------------------------------------------
هادا واحد مكلخ سول صاحبو قال ليه: علاش الورق ديال الشجر كيسقط ف الخريف؟
رد عليه صاحبو قال ليه: حيت ما قرا والو ف الصيف

-------------------------------------------------------------------------------------
هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش . قال ليه: وا مالك أصاحبي ماكتجريش؟
جاوبو صاحبو: وعلاش نجري؟ مالي أنا اللي ضربتو؟

-------------------------------------------------------------------------------------
جوج مشاو للمحطة د التران ولقاوه بدا كيتحرك. واحد لحقو نقز فيه وركب، ولاخور ميت بالضحك ما ركبش. مللي سولوه مالك؟ قال ليهم: هاداك المكلخ راه غير جا يوصلني

هادو واحد الثلاثة ،حتى ريال ما كيدور فجيبهم. او جاهم الجوع...
دخلو لواحد المطعم، كل واحد منهم خدا : دجاجة محمرة و ثلاثة الخبزات و موناضة.
ملي سالاو جا عندهم الكًَارسون باش يتخلص،،،
كًَال للول:خلص.
جاوب:انا راني خلصتك كًَبيلة.
كًَال للثاني:خلص.
جاوب:حتا انا راني خلصتك ملي خلصك هذا. [كيدوي على الثالث]
كًَال للثالث:واش هذا خلص؟
جاوب:واتا ماشي سوقي،عطيني غير الصرف ديالي،راني طالع ليا الدم.

---------------------------------------------------------------------------------------------
قالك هذو واحد الجوج تعطلو على المدرسة.هوا يتسد عليهم الباب، هوما يدخلو عند الحارس العام، قالو ليه: بغينا ورقة باش ندخلو.
قال ليهم:علاش تعطلتو.
قال ليه اللول: طاحت ليا عشرة دريال.
قال ليه الثاني:انا كنت عافط عليها.

هههههههههههههههههههههههههههههههههه

شكرن شكرن شكرن

ههههههههههههههههه

شكرن

» نكت تقتل بضحك مئة فالمئة مغربية جزء 2
» ||-||لعبـــة الاكشــن الرائعة Th3 Plan بحجم صغير 105 ميجا فقط ||-||
» من مجموعة 2012 كود ظل مشع حول الصورة الشخصية بشكل رائع
» مجموعة اكواد CSS للنسخة invision تجعل منتداك بشكل رائع وجميل ولا تؤثر على ارشفة قوقل موجود الدليل استعرض الموضوع السابق